آپ آف لائن ہیں
بدھ 8؍ شعبان المعظم 1439ھ 25؍ اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x

رہنما پیپلز پارٹی اعتزاز احسن نے کہا ہے کہ زینب کے قاتل کو زندہ پکڑا جائے، کہیں مقابلے میں نہ مار دیں، شہباز شریف کے مورکو بلی نے مار دیا ہوتا تو ایکشن ہو جاتا۔

اعتزاز احسن نے قصور میں زینب کے والد سے ملاقات اور تعزیت کی۔

x
Advertisement

ملاقات کے بعد میڈیا سے گفتگو کرتے ہوئے اعتزاز احسن کا کہنا تھا کہ قاتل کو زندہ حالت میں گرفتار کیا جائے ،سیریل کلر نشانیاں چھوڑتا جاتا ہے ، گرفتاری مشکل نہیں، ڈر ہے کہ شہباز شریف اپنی روایت کے مطابق مجرم کو مقابلے میں مروا نہ دیں۔

انہوں نے کہا کہ قصورمیں بچوں کی سیریل کلنگ ہورہی ہے، حالیہ واقعات پرپولیس کی لاتعلقی نظر آرہی ہے، زینب تو ہم سے بچھڑ گئی لیکن قصور کے عوام نے بڑی بیماری کی تشخیص کی۔

ان کا کہنا تھا کہ شریف خاندان کی سیکورٹی پر تین ہزار پولیس اہلکار تعینات ہیں، شریف خاندان جس طرف جاتا ہے سڑکیں بند ہوتی ہیں، روٹ لگے ہوتے ہیں۔

اعتزاز احسن نے کہا کہ ہم چاہتے ہیں صحیح ملزم گرفتار ہو، ملزم کو کسی جعلی پولیس مقابلے میں مار نہ دیا جائے، ڈی این اے رپورٹس میں کوئی رد و بدل نہ کی جائے، اصل ملزم کو پکڑکر قرار واقعہ سزادی جائے، دو شہریوں کو شہیدکرنے والوں کے خلاف بھی کارروائی ہونی چاہیے۔

​​
Chatاپنی رائے سے آگاہ کریں