وفاقی وزیر داخلہ احسن اقبال نے کہا ہے کہ ملک میں کبھی دھرنے کے نام پر اور ختم نبوت کے نام پر سازش کی گئی، اس ملک میں خانہ جنگی کروانے کی کوشش کی گئی۔
نارووال میں نادرا آفس کے سنگ بنیاد کی تقریب سے خطاب کے دوران انہوں نے کہا کہ ملک میں معیشت اور لوڈ شیڈنگ کی صورتحال بہتر ہو گئی ہے، بیرونی طاقتیں ہمیں للکار رہی ہیں، اگر کوئی سازش کا آلہ کار بنا تو نظام نہیں چلے گا۔
انہوں نے عمران خان کو تنقید کا نشانہ بناتے ہوئے کہاکہ اب عمران خان دھرنوں کے قابل نہیں رہا، مسلم لیگ سیٹیں کم لے یا زیادہ اس سے فرق نہیں پڑے گا۔
احسان اقبال کا کہنا تھا کہ ہمارے دشمن بلوچستان کو نشانہ بنارہے ہیں، آزاد بلوچستان کی کیمپین کے دوران حکومت کو گرانا سوالیہ نشان ہےم، اگر اس جمہوری عمل کے اندر رکاوٹیں ڈالیں تو دنیا ہم پر ہنسے گی، ہم جمہوری قوتیں مل کر جمہوری نظام کو مضبوط رکھیں۔