کراچی کے علاقے ٹیپو سلطان روڈ کے قریب پولیس نے صبح سویرے کارروائی کرکے ایک غیر ملکی باشندے کو گرفتار کرلیا۔ اے ایس پی شارع فیصل کے مطابق ملزم کے قبضے سےساڑھے 6 لاکھ روپے نقد اور اے ٹی ایم اسکمنگ ڈیوائس بھی برآمد ہوئی ہے۔
اے ایس پی شارع فیصل حمزہ امان اللہ کا کہنا تھا کہ شبیر آباد میں پولیس نے کارروائی کے دوران ایک غیر ملکی کو گرفتار کرلیا۔ ملزم کی شناخت شو شو پنگ کے نام سے ہوئی ہے جبکہ اس کے 3ساتھی فرار ہوگئے۔
حمزہ امان اللہ کے مطابق ملزم کے قبضے سے ساڑھے چھ لاکھ روپے نقد اور اے ٹی ایم اسکمنگ ڈیوائس برآمد ہوئی ہے۔
پولیس کی جانب سے ملزم سے مزید تفتیش کی جارہی ہے۔