ویسٹ انڈیز کا مارچ کے آخر میں ٹیم پاکستان بھیجنے کا فیصلہ

ویسٹ انڈیز کرکٹ بورڈ نے مارچ کے آخر میں تین ٹی 20 میچز کے لئے ٹیم پاکستان بھیجنے کا فیصلہ کرلیا ہے،جو لاہور میں کھیلے جائیں گے۔

ذرائع کے مطابق میچز پہلے دو میچز 29 اور 31 مارچ کو ہونگے جبکہ تیسرا میچ یکم اپریل کو کھیلا جائےگا۔

ویسٹ انڈیز ٹیم کو نومبر میں پاکستان کا دورہ کرنا تھا لیکن لاہور میں اسموگ کے باعث سیریز ملتوی کردی گئی تھی۔

ذرائع کے مطابق روں سال اگست میں3 ملکی ٹی 20 سیریز کے بھی معاملات طے ہوچکے ہیں۔

تین ملکی سیریز میں پاکستان اور ویسٹ انڈیز کے ہمراہ تیسری ٹیم بنگلادیش کی ہوگی،جو امریکی ریاست فلوریڈا میں کھیلی جائےگی۔