سندھ: گنے کی خریداری میں غیر قانونی کٹوتی کے خلاف کاشتکاروں کا احتجاج

بدین سمیت سندھ کی مختلف شوگر ملوں میں گنے کی کم قیمت پر خریداری اور خریداری میں غیر قانونی کٹوتی کے خلاف کاشتکاروں کی جانب سے احتجاجی مظاہروں کا سلسلہ بھی جاری ہے۔

ضلع بدین کی شوگر ملوں میں گنے کی خریداری کے بھائو 130 روپے فی من سے آگے نہ بڑھ سکے جبکہ 30 فیصد تک کٹوتی نے گنے کے کاشکاروں کی کمر ہی توڑ دی ہے۔

ذرائع کے مطابق گنے کی خرید کے متعلق نہ تو عدالتی ہدایات کام آئی اور نہ ہی حکومتی احکامات پر کوئی عمل ہوا، شوگر ملز مالکان نے گنا 182روپے فی من خریدنے سے شروع میں ہی انکار کیا تھا۔