کےکے ایف سے منسلک 10 رہنما منی لانڈرنگ کیس میں طلب

12 فروری ، 2018

ایف آئی اے نے متحدہ قومی موومنٹ کی خدمت خلق فائونڈیشن (کے کے ایف) سے منسلک 10رہنمائوں کو منی لانڈرنگ کیس میں 15فروری کو طلب کرلیا ہے ۔

ایف آئی اے کو شبہ ہے کہ یہ 10 رہنما بھتے لے کر اور چائنہ کٹنگ کر کے پیسہ اکٹھا کرتے اورکے کے ایف کے اکاؤنٹس کے ذریعے برطانیہ بھیجتے رہے ۔

ایم کیو ایم کے ان 10رہنماوں سے پوچھاجائے گاکہ پیسے کیسے اور کہاں سے اکٹھے کرتے تھے؟، پیسے کون فراہم کرتا تھا ؟ پیسے لندن بھیجے جاتے تو معاونت کون کرتا تھا؟اور سب سے بڑھ کر پیسوں کا استعمال کیسے کیا تھا؟

ان رہنمائوں کو ایف آئی اے انسداد دہشت گردی ونگ اسلام آباد میں15فروری کی صبح 11بجے پیش ہونے کے خطوط لکھ دیے گئے ہیں۔

ذرائع نے جیو نیوز کو بتایا ہےکہ ان رہنماؤں میں صغیر احمد، محمد شاہد، محمد زبیر، محمد طاہر، منظور احمد، کفیل واڑہ ، رؤف مغل، کمال صدیقی، رفیق راجپوت اور محمد عمران شامل ہیں۔

ایم کیو ایم کے سربراہ اور خدمت خلق فاؤنڈیشن کے خلاف منی لانڈرنگ کا مقدمہ 2017 میں کراچی میں درج کیا گیا تھا مگر بعد میں اسے ایف آئی اے انسداد دہشت گردی ونگ اسلام آباد میں منتقل کردیا گیا تھا۔

ایف آئی اے کو شبہ ہے کہ یہ 10 رہنما بھتے لے کر اور چائنہ کٹنگ کر کے پیسے اکٹھے کرتے اورکے کے ایف کے اکاؤنٹس کے ذریعے برطانیہ بھیجتے رہے ۔

تازہ ترین