آپ آف لائن ہیں
اتوار11؍رمضان المبارک 1439ھ 27؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Allegation Case Of Women Hockey Coach Finished

پاکستان خواتین ہاکی ٹیم میں کھلاڑیوں کی جانب سے کوچ پر عائد کئے گئے الزامات کا معاملہ خاموشی سے طے کردیا گیا اور بدنام اسکینڈل کی فائل بند کرکے کسی کو قصور وار قرار نہیں دیا۔

پیر کو خاتون کھلاڑی سیدہ سعدیہ نے ڈسپلنری کمیٹی کے چیئرمین نوید عالم سے ملاقات کی جس کے بعد سیدہ سعدیہ نے پاکستان کی جانب سے کھیلنے کی غیر مشروط آمادگی ظاہر کی۔

x
Advertisement

سیدہ سعدیہ اور اقرا جاوید نے پاکستان ہاکی فیڈریشن کو تحریر کئے گئے خط میں کہا ہے کہ چوں کہ سعید خان اب کوچ نہیں رہے، اس لئے ہم دونوں پاکستان ہاکی ٹیم کی غیر مشروط نمائندگی کرنا چاہتی ہیں، ملک کی عزت اور ہاکی کی بہتری کے لئے حاضر ہیں۔

نوید عالم نے اسی درخواست پر دونوں کو کیمپ میں شرکت کی اجازت دے دی ہے۔

سیدہ سعدیہ نے سابق کوچ سعید خان پر ہراساں کرنے کے سنگین الزامات لگائے تھے، سعید خان مسلسل ان الزامات کی تردید کرتے رہے ہیں۔

نوید عالم سے ملاقات کے بعد پاکستان ہاکی فیڈریشن نے بھی سعید خان کو کلیئر کردیا ہے۔

سیدہ سعدیہ کے حق میں ایک اور کھلاڑی اقراء جاوید نے بھی بیان دیا تھا۔ پاکستان ہاکی فیڈریشن خواتین ونگ نے دونوں کھلاڑیوں کو ٹیم سے ڈراپ کردیا تھا۔

پی ایچ ایف کا کہنا ہے کہ اب دونوں کھلاڑی سلیکشن کے لئے دستیاب ہوں گی، سیدہ سعدیہ نے پاکستان ہاکی فیڈریشن کے سیکریٹری شہباز احمد سے بھی ملاقات کی تھی۔

 

​​
Chatاپنی رائے سے آگاہ کریں