منی لانڈرنگ، کے کے ایف سے منسلک 10 رہنما 15 فروری کو طلب

13 فروری ، 2018

Money Laundering Case Affiliated 10 Leaders Of Kkf Call On 15 February

ایف آئی اے نے متحدہ قومی موومنٹ کی خدمت خلق فاؤنڈیشن سے منسلک 10 رہ نماؤں کو منی لانڈرنگ کیس میں 15فروری کو طلب کرلیا۔

ایف آئی اے کو شبہ ہے کہ یہ 10 رہنما بھتے لے کر اور چائنا کٹنگ کر کے پیسہ اکٹھا کرتے اور خدمت خلق فاؤنڈیشن کے اکاؤنٹس کے ذریعے برطانیہ بھیجتے رہے ہیں۔

ذرائع نے جیو نیوز کو بتایا ہےکہ ان رہنماؤں میں صغیر احمد، محمد شاہد، محمد زبیر، محمد طاہر، منظور احمد، کفیل واڑہ ، رؤف مغل، کمال صدیقی، رفیق راجپوت اور محمد عمران شامل ہیں۔

ایم کیو ایم کے سربراہ اور خدمت خلق فاؤنڈیشن کے خلاف منی لانڈرنگ کا مقدمہ 2017 میں کراچی میں درج کیا گیا تھا مگر بعد میں اسے ایف آئی اے انسداد دہشت گردی ونگ اسلام آباد میں منتقل کردیا گیا تھا۔

تازہ ترین