باراک اوباما اور مشیل اوباماکی تصاویر کی رونمائی

سابق امریکی صدر باراک اوباما اور اُنکی اہلیہ مشیل اوباما کی تصاویر واشنگٹن کی نیشنل گیلری کی زینت بن گئیں۔

اپنی سیاسی سمجھ بوجھ اور لوگوں سے گھلنے ملنے کی وجہ سے مشہور سابق امریکی صدر باراک اوباما اور سابق خاتون اوّل مشیل اوباما نے گذشتہ روز اپنے پورٹریٹس کی واشنگٹن کی نیشنل گیلری میں رونمائی کی جس کے بعد دونوں کی تصاویر کو گیلری کے امریکی پریزیڈنٹ ہال میں آوازاں کردیا گیا۔

تقریب کی رونمائی پر باراک اوباما اور مشیل اوباما دونوں انتہائی خوشگوار موڈ میں نظر آئے جبکہ اس موقع پر ٹام ہینکس اور اسٹیون اسپیلبرگ سمیت دیگر مشہور شخصیات بھی موجود تھیں۔

دوسری جانب امریکی فنکارہ Amy Sheraldکی تیار کردہ مشیل اوباما اور Kehinde Wileyکی تیار کردہ باراک اوباما کی پینٹنگز کو جہاں کئی نے پسند کیا وہیں سوشل میڈیا پرمشیل اور اوباما سے مماثلت نہ ہونے پر تنقید کا نشانہ بھی بنایا جا رہا ہے۔