آپ آف لائن ہیں
اتوار11؍رمضان المبارک 1439ھ 27؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Mqm Pakistan Bahadurabad Calls Workers Meeting

متحدہ قومی موومنٹ بہادر آباد کیمپ نے بھی سیاسی قدم اٹھانے شروع کردیے ،16فروری کو ورکرز اجلاس بلانے کا فیصلہ کرلیا۔

فاروق ستار کے جنرل ورکرز اجلاس کا جواب دینے کے لئے ایم کیو ایم بہادرآباد کا ورکرز اجلاس ناظم آباد کے عید گاہ گرائونڈ میں ہوگا۔

x
Advertisement

رابطہ کمیٹی کے سینئر ڈپٹی کنوینر عامرخان نے کہا ہے کہ ایم کیوایم صرف ایک ہے جس کے کنوینر کا نام خالد مقبول صدیقی ہے ۔

ان کا کہناتھاکہ فاروق ستار کے پاس رابطہ کمیٹی ختم کا اختیار نہیں ،سابق کنوینر نے جو کچھ بھی الیکشن کمیشن میں جمع کرایا ہے اس کی کوئی حیثیت نہیں۔

عامرخان نے الیکشن کمیشن سے درخواست کی کہ وہ ایم کیوایم کی حالیہ صورتحال میں غیر جانبداری کا مظاہرہ کرے ۔

ایم کیو ایم رہنما فروغ نسیم نےکہا ہے کہ پرویز اچھے انسان ہیں لیکن وہ میرے سیاسی لیڈر نہیں،میں فاروق ستار اور ان کے ساتھیوں کو ایک بار پھر مل بیٹھے کی دعوت دیتا ہوں ۔

ان کا مزید کہناتھاکہ ڈاکٹر فاروق ستار تک ان کی باتیں غلط اندازمیں پہنچائی گئی، جوتناو پیداہوا اسے ختم ہوناچاہیے۔

گزشتہ روز جیونیوز کے پروگرام آج شاہزیب خانزادہ میں گفتگو کرتے ہوئے فاروق ستار نے ایم کیوایم کی موجودہ صورتحال کا ذمہ دار سابق صدر پرویز مشرف کو قرار دیا تھا اور ساتھ ہی فروغ نسیم کومائنس ٹو سازش کا حصہ قرار دیا تھا ۔

​​
Chatاپنی رائے سے آگاہ کریں