آپ آف لائن ہیں
اتوار 4؍رمضان المبارک 1439ھ 20؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Salman Mujahid Accused Of Abusing Women And Black Mailing

متحدہ قومی موومنٹ کے رکن قومی اسمبلی سلمان مجاہد بلوچ پر خاتون نے زیادتی اور بلیک میلنگ کا الزام لگادیا ۔

سلمان مجاہد بلوچ کا کہنا ہے کہ الزام لگانے والی خاتون جعل ساز ہے،جس نے ان سے 40لاکھ روپے لے رکھے ہیں،وہ خاتون کیخلاف ایک ماہ پہلے ہی مقدمہ درج کراچکے ہیں۔

x
Advertisement

علینہ نامی خاتون نے گلشن اقبال تھانے میں درخواست جمع کرائی ہے ،جس میں کہا ہے کہ سلمان مجاہد بلوچ نے شادی کا وعدہ کر کے بار بار زیادتی کا نشانہ بنایا ۔

درخواست گزار خاتون نے موقف اختیار کیا کہ ایم کیو ایم کے رکن قومی اسمبلی نے خفیہ کیمروں سے ان کی ویڈیوز بنائیں اور بلیک میل بھی کیا ۔

خاتون علینہ نے درخواست میں کہا کہ مجھے پہلی بار 12اگست 2014ء کو پارلیمنٹ لاجز میں زیادتی کا نشانہ بنایا اور میری والدہ کے سامنے شادی کا وعدہ کرکے ہمیں خاموش رہنے کا کہا ۔

درخواست گزار خاتون نے یہ بھی کہا کہ شادی کے بعد میرے بھائی کو الٹا لٹکا کر مارا گیا ،سلمان مجاہد بلوچ مجھ سے ویڈیوز کے عوض 40لاکھ روپے کا تقاضا کررہے ہیں،اگر میرا جانی یا مالی نقصان ہو تو ایم کیو ایم کے رکن قومی اسمبلی کو ذمہ دار سمجھا جائے۔

​​
Chatاپنی رائے سے آگاہ کریں