آپ آف لائن ہیں
اتوار 4؍رمضان المبارک 1439ھ 20؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Israeli Pm Netanyahu Rejects Bribery Allegations

اسرائیلی وزیراعظم بنیامین نتن یاہو نے رشوت ستانی کےالزامات کو بے بنیاد قرار دیتے ہوئے کہا ہے کہ اُنہیں یقین ہے کہ سچائی سامنے آئے گی۔

برطانوی نشریاتی ادارے کے مطابق اسرائیلی ٹی وی پر خطاب کرتے ہوئے انہوں نے رشوت ستانی کے معاملے میں اُن پر ممکنہ طور پر مقدمہ چلانے کے بارے میں پولیس کے بیان کو تنقید کا نشانہ بنایا ۔

x
Advertisement

اسرائیلی وزیر اعظم کا یہ بیان پولیس کے اس بیان کے بعد آیا ہے جس میں کہا گیا تھا کہ ان کے خلاف اتنے شواہد ہیں کہ انہیں رشوت، فراڈ اور خیانت کے دو مختلف معاملوں میں مورد الزام ٹھہرایا جا سکتا۔

نتن یاہو کا کہنا ہے کہ تمام الزامات بےکار ثابت ہوں گے۔

اسرائیلی وزیر اعظم پر الزام ہے کہ انہوں نے اسرائیلی اخبار 'یوڈیوٹ اہارونوٹ کو مثبت کوریج کے لیے کہا تھا، جس کے جواب میں اُس کے مخالف اخبار پر قدغن لگانے کی بات کہی تھی۔

پولیس نے کہا کہ اخبار یوڈیوٹ اہارونوٹ کے مدیر آرنن موزس پر بھی مقدمہ دائر کیا جائے گا۔

دوسرا معاملہ ہالی وڈ کے معروف فلمساز آرنن ملچین اور دوسرے حامیوں کی جانب سے اُنہیں لاکھوں شیکل (دو لاکھ 83 ہزار امریکی ڈالر) کے تحائف لینے کا الزام ہے۔

​​
Chatاپنی رائے سے آگاہ کریں