ماہرہ خان پشاور زلمی کی برانڈ ایمبیسڈر مقرر

پشاور زلمی نے اداکارہ ماہرہ خان کو پاکستان سپر لیگ کے سیزن تھری کے لیے اپنی ٹیم کا برانڈ ایمبسڈر مقرر کردیا۔ماہرہ خان نے پشاور زلمی کا حصہ بننے پر خوشی کا اظہار کیا ہے۔

لاہور میں پی ایس ایل کی ٹیم پشاور زلمی کی کٹ کی رونمائی تقریب ہوئی ،جس میں کرکٹرز اور شوبز شخصیات کی بڑی تعداد نے شرکت کی۔

تقریب میں پی سی بی کےچیئرمین نجم سیٹھی،سابق چیئرمین پی سی بی شہریار خان سابق اسٹارکرکٹر ظہیر عباس، کرکٹر حسن علی، کامران اکمل، وہاب ریاض اور محمد حفیظ نے بھی شرکت کی۔

اس کے علاوہ دیگر شوبز شخصیات بھی اس موقع پر موجود تھیں۔

تقریب میں میوزکل بینڈ کی پرفارمنس نے ماحول کو گرما دیا جبکہ شرکاء من پسند اسٹاز کو اپنے درمیان پا کر پرجوش دکھائی دیے۔