امریکا : جاں بہ لب کیفیت میں، لڑکی نے قاتلوں کی نشان دہی کی

14 فروری ، 2018

Dying Woman Drags Uses Last Words To Identify Her Suspected Killers In Usa

امریکی ریاست کیلی فورنیا کے شہر سان جوز میں ایک نوجوان لڑکی نے انتہائی ہمت اور جرات کا مظاہرہ کرتے ہوئے شدید زخمی ہونے کے باوجود اپنی موت سے قبل کچھ ایساکیا کہ جس کے بعد میں پولیس کو اسکے قاتلوں تک پہنچنے میں زیادہ دیر نہ لگی۔

Lizette-Andrea-333

تفصیلات کے مطابق ٹیکنالوجی سٹی سلیکون ویلی کے قریب واقع شہر سان جوز کی المیڈا کائونٹی میں 19 سالہ لیسٹے آندریا سیوسٹا کو پیر کی شب انتہائی زخمی حالت میں قریب سے گزرتے لوگوں نے دیکھ کر حکام کو اسکی اطلاع دی۔اسے تیزدھار آلہ شدید زخمی کیا گیا تھا کہ جو کہ بعد میں جان لیوا ثابت ہوا۔

مقامی کائونٹی شیرف کے مطابق پولیس نے اسے ائیر ایمبولینس کے ذریعے اسپتال منتقل کیا جہا ں اس نے اپنی موت سے قبل پولیس حکام کو بعض انتہائی اہم معلومات دیں۔پولیس کے مطابق لیسٹے آندریا سیوسٹا کی شدید خواہش تھی کہ وہ بچ جائے تاہم ایسا نہ ہوسکا اور بہت زیادہ خون بہنے اور گہرے زخموں کی وجہ سے وہ ہلاک ہوگئی۔ Lizette-Andrea-222

اس نے اپنی موت سے قبل بڑی ہمت کےساتھ اپنے قاتلوں کی نشاندہی کی جس کی وجہ سے مجرموں کی گرفت ممکن ہوگئی۔جس کے بعد پولیس نے 19سالہ ڈینیل گروس اور پچیس سالہ ملیسا لینارڈو کوقتل کے الزام گرفتار کرلیا۔

لیسٹے آندریا سیوسٹاکی زخمی حالت میں مدد کرنے والوں میں سے ایک شخص رچرڈ لوڈ ہولڈ نے بتایا کہ اس نے جاں بلب کیفیت میں موجود لیسٹے سے کہا کہ وہ اپنے حواس کو جب تک ہوسکے بحال رکھے۔رچرڈ لوڈ ہولڈ نے کہا کہ مقتولہ کے خاندان کے لیے یہ کافی حوصلہ افزا ہے کہ انکی بیٹی نے اپنی زندگی کے آخری لمحوں تک زندگی کی جنگ کی۔

تازہ ترین