ایم کیو ایم پاکستان کے سربراہ ڈاکٹر فاروق ستار نے کارکنوں سے کہا ہے کہ وہ اٹھارہ فروری کے انٹرا پارٹی انتخابات میں بھرپور حصہ لیں، الیکشن رابطہ کمیٹی اور سینٹرل ایگزیکٹو کونسل کے لیے ہوگا۔
پی آئی بی کالونی کراچی میں اپنی قیام گاہ کے باہر میڈیا سے گفتگو کرتے ہوئے فاروق ستار نے کہا کہ ایم کیو ایم پاکستان ان کے نام سے رجسٹرڈ ہے، پتنگ کا نشان بھی ان کے نام پر ہے۔
فاروق ستار کا کہنا تھا کہ ان کا احترام اور ان کی عزت دل سے ہو زبان سے نہ ہو، گھر کے مسائل گھر کے اندر ہی حل ہونا چاہئے، اگر کسی سے حل نہ نکلا تو وہ حل نکالیں گے۔
فاروق ستار کا کہنا تھا کہ انہوں نے کوئی ایسی بات نہیں کی جس سے بہادر آباد کے ساتھیوں کی دل آزاری ہو، انہوں نے اپنے تمام ساتھیوں کو بھی دل آزاری پر مبنی بیانات دینے سے منع کردیا ہے۔