بحریہ ٹائون لاہور میں اسکارٹس انویسٹمنٹ بینک کا افتتاح

16 فروری ، 2018

Inaugration Of Scarts Investment Bank In Bharia Town Lahore

بحریہ ٹائون کی جانب سے لاہور میں اسکارٹس انویسٹمنٹ بینک لمیٹڈ کی پہلی برانچ کا شاندار افتتاح کر دیا گیا۔ سی ای او بحریہ ٹائون احمد علی ریاض ملک نے چیئرمین اسکارٹس انوسٹمنٹ بینک لمیٹڈ زین ملک‘ سی ای او نوید امین خواجہ کے ہمراہ کیا۔

اس موقع پر خطاب کرتے ہوئے احمد علی ریاض ملک نے کہا کہ بینک برانچ کا مقصد غریب لوگوں کیلئے آسانیاں پیدا کرنا ہے۔ جو لوگ بحریہ ٹائون میں گھر بنائیں گے یا پلاٹ خریدیں گے اُنہیں انتہائی کم شرح پر قرضہ فراہم کیا جائے گا۔

انیس فروری کو کراچی میں بھی بینک کی برانچ کا افتتاح کیا جائے گا جبکہ فروری کے آخر میں راولپنڈی میں بھی برانچ کا آغاز ہو گا۔

اسکارٹس انویسٹمنٹ بینک لمیٹڈ اب ایکویٹی کمپلائنٹ ہے اور 1.2ارب روپے کی انویسٹمنٹ کے بعد تمام لائسنسز کی تجدید ہو چکی ہے۔

بینک نے نئی انتظامیہ کی پالیسی کے تحت تمام فعال کھاتے داروں کو جمع شدہ مارک اپ/منافع سمیت تمام ادائیگیاں کر دی گئی ہیں۔

تازہ ترین