چینی قونصلیٹ نے اپنی سماجی ذمہ داریوں کے اقدامات کے تحت امن فاؤنڈیشن کی لائف سیونگ ایمبولینس پروگرام کی معاونت کے حوالے سے شراکت داری کا اعلان کیا ہے۔
اس شراکت داری کا اعلان امن فاؤنڈیشن کے مرکزی صدر دفتر میں ویمن ایمپاورمنٹ کے حوالے سے منعقدہ تعارفی تقریب میں کیا گیا۔
امن ٹیک میں ویمن ایمپاورمنٹ کے حوالے سے شروع کئے جانے والے ویمن ووکیشنل تربیتی پروگرام میں معاشرے کے پسماندہ طبقے سے تعلق رکھنے والی خواتین کو خود مختار اور باصلاحیت بنانے پر توجہ دی جائیگی۔
تقریب سے خطاب کرتے ہوئے صوبائی وزیر اطلاعات سید ناصر حسین شاہ نے کہا کہ سندھ گورنمنٹ نے چھ لاکھ عورتوں کی تربیت کی اور آج وہ خواتین اپنا روزگار کما رہی ہیں،سندھ گورنمنٹ نے عورتوں کی تربیت کے پروگرام کو سات ڈسٹرکٹ سے بڑھا کر اٹھارہ ڈسٹرکٹ تک کردیا ہے ۔
ان کا مزید کہنا تھا کہ سی پیک پاکستان کیلئے بہت اہم ہے۔