پان چھالیہ پابندی، فوڈ اتھارٹی و چھالیہ ایسوسی ایشن کے مابین مذاکرات کامیاب

پان چھالیہ پر سرکاری پابندی کے معاملے پرپنجاب فوڈ اتھارٹی اور آل پاکستان پان تمباکو چھالیہ ایسوسی ایشن کے درمیان مذاکرات کامیاب ہوگئے ہیں۔

ذرائع کے مطابق آل پاکستان پان تمباکو چھالیہ ایسوسی ایشن کے وفد نے فوڈ اتھارٹی آفس میں ڈی جی پنجاب فوڈ اتھارٹی نور الامین مینگل سے ملاقات کی۔

مذاکرات کے دوران طےپایا کہ پان چھالیہ فروخت کرنے والے افراد اپنی دکانوں اور مراکز پر چھالیہ کے نقصانات سے متعلق بینر آویزاں کریں ۔

یہ بینرز لگانے کا اطلاق عالمی ٹوبیکو قوانین کے تحت کیا جائے گاجبکہ فوڈ اتھارٹی سائنٹفک پینل نے پان چھالیہ کو منہ، گلے، معدے کے سرطان کا سبب قرار دیا تھا۔