شام، غوطہ کی صورتحال زمین پر جہنم، موت کے منتظر ہیں،مکین

اقوام متحدہ کے سیکریٹری جنرل انٹونیو گوٹیرس کی جانب سے باغیوں کے علاقوں کو زمین پر جہنم قرار دیتے ہوئے مطالبہ کیا ہے کہ شام میں مشرقی غوطہ میں جاری لڑائی کو فوری طور پر ختم کیا جائے۔

سلامتی کونسل سے خطاب کرتے ہوئے انہوں نے کہا کہ شام میں 30 روز کے سیز فائر کے لیے پیش کردہ قرار داد کو منظور کرنا چاہیے۔

دوسری جانب مشرقی غوطہ پر شامی فضائیہ کی بمباری کا سلسلہ پانچویں روز بھی جاری رہا ۔بمباری میں اسپتالوں ، اسکولوں ، مساجد کو نشانہ بنایا جارہا ہے ۔

اقوام متحدہ کے مطابق اس شدید بمباری میں اب تک تقریباً 350 شہری جاں بحق اور 878زخمی ہوچکے ہیں ۔

غوطہ کے رہائشیوں اور ڈاکٹرز کا کہنا ہے کہ عالمی برادری اور اور سلامتی کونسل نے ہمیں مرنے کیلئے چھوڑ دیا ہے ۔

علاقہ مکینوں کے مطابق ہم موت کے منتظر ہی ، ہلال احمر نےمطالبہ کیا ہے کہ انہیں مشرقی غوطہ میں زخمیوں کو امداد کی فراہمی کیلئے داخلے کی اجازت دی جائے ۔