شیئرز بازارمیں آج مسلسل تیسرا مثبت کاروباری اختتام اس وقت ہوا جب 100 انڈیکس 270 پوائنٹس اضافے سے بند ہوا۔
پاکستانی شیئرز بازار کا 100 انڈیکس کاروبار کے اختتام پر 43510 پر بند ہوا۔
آج 21کروڑ شیئرز کے سودے 10 ارب روپے میں ہوئے، کاروبار کے اختتام پر بی آئی پی ایل کے جاری کردہ ریسرچ نوٹ کے مطابق سیاسی تشویش، معیشت کو درپیش خدشات اور جیوپولیٹیکس پر کاروبارکے آغاز پر کچھ سرمایہ کاروں نے منافع بک کیا۔
ملک میں مہنگائی میں اضافے کی شرح مالیاتی شعبے کی توقعات سے کم رہنے، سیمنٹ کی کھپت نو فیصد اور ملک کے شمالی حصے میں سیمنٹ کی بوری 10روپے مہنگی ہونے اور ریٹنگ ایجنسی موڈیز کے پاکستانی بینکوں کی ریٹنگ برقرار رکھےجانے پر سرمایہ کاروں نے خریداری کی، جو انڈیکس کے مسلسل تیسرے مثبت اختتام کی وجہ بنی۔