-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
محبت کی قیمت چکانے کا معاملہ صرف فلموں تک محدود نہیں ہوتا بلکہ بہت سارے ہیروز کو اس کی قیمت شوٹنگ کے دوران بھی چکانی پڑتی ہے۔اور ایسی ہی قیمت ورون دھون نے اپنی آنے والی فلم ’سوئی دھاگا‘ کی شوٹنگ کے دوران بھی ادا کی۔
اطلاعات ہیں کہ فلم کے ایک سین کو شوٹ کروانے کے لیے ورون دھون نے فلم میں اپنی بیوی کا کردار ادا کرنے والی انوشکا شرما کو لے کر 10 گھنٹے تک سائیکل چلاتے رہے۔
پنک ولا کے مطابق ورون دھون اور انوشکا شرما ان دنوں فلم کی شوٹنگ کے لیے بھارتی ریاست مدھیا پردیش کے شہر ’چندیری‘ میں موجود ہیں جہاں کا موسم کافی گرم ہوچکا ہےلیکن گرم موسم کے باوجود ورون دھون نے فلم کے مناظر شوٹ کروانے کے لیے چندیری شہر میں 10 گھنٹے تک سائیکل چلائی۔
خبر کے مطابق ورون دھون گرمی اور دھوپ میں انوشکا شرما کو بٹھاکر سائیکل چلاتے رہے، جس وجہ سے دونوں اداکار شام کو انتہائی تھک گئے۔
علاوہ ازیں ورون دھون اسی فلم کا ایک اور سین شوٹ کروانے کے دوران زخمی بھی ہوگئے۔خبر کے مطابق ورون دھون جذباتی انداز میں سیڑھیوں سے گرنے کا سین شوٹ کروتے وقت زخمی ہوگئے جس وجہ سے انہیں اسپتال لے جایا گیا۔
اگرچہ ورون دھون زیادہ زخمی نہیں ہوئے، تاہم ان کی وجہ سے شوٹنگ کو کچھ وقت کے لیے بند کردیا گیا۔
واضح رہے کہ ’سوئی دھاگا‘ میں پہلی بار انوشکا شرما اور ورون دھون ایک ساتھ کام کرتے نظر آئیں گے۔فلم میں ورون دھون ’موجی‘ نامی درزی جب کہ انوشکا شرما ’ممتا‘ نامی دستکار (کڑھائی کرنے والی) خاتون کا کردار ادا کر رہی ہیں۔
فلم کی کہانی ایک عام درزی یعنی موجی کی مختصر اور محدود دنیا کے گرد گھومتی ہے، جو مشکل حالات کے باوجود عام انسان کے طور پر زندگی گزارنے کا پیغام دیتے نظر آتا ہے۔
اب تک صرف فلم کے پوسٹرز جاری کیے گئے ہیںجبکہ فلم کو رواں برس ستمبر میں ریلیز کیے جانے کا امکان ہے۔فلم کی ہدایات شرط کتریا نے دی ہیں جبکہ اسے منیش شرما نے پروڈیوز کیا ہے۔
