والد کے قاتلوں کو معاف کردیا، راہول گاندھی

11 مارچ ، 2018

بھارت کے آنجہانی وزیر اعظم راجیو گاندھی کے بیٹے راہول گاندھی نے کہا ہے کہ وہ اور اُن کی بہن پریانکا اپنے والد کے قاتلوں کو ’’معاف‘‘ کرچکے ہیں۔

بھارتی اخبار کے مطابق سنگاپور میں انڈین انسٹیٹیوٹ آف مینجمنٹ میں تقریب کے دوران راہول گاندھی نے کہا کہ ہم نے اپنے والد کے قاتلوں کو معاف کردیا، وجہ چاہے کچھ بھی ہو، میں کسی بھی قسم کا تشدد نہیں چاہتا۔

انہوں نے کہا کہ ہم بہت اپ سیٹ اور تکلیف میں رہے اور کئی برس تک غصہ بھی رہا لیکن کسی طرح اُنہیں مکمل معاف کردیا ہے۔

راجیو گاندھی21مئی 1991ء کوتامل ناڈو میں انتخابی مہم کے دوران لبریشن ٹائیگرز آف تامل ایلام (ایل ٹی ٹی ای)کی خاتون خودکش بمبار کے حملے میں مارے گئے تھے۔

راہول گاندھی کا کہنا تھا کہ اُن کی فیملی جانتی تھی کہ اُن کے والد اور دادی سابق وزیراعظم اندرا گاندھی کو سیاست میں ہونے اور تبدیلیاں لانے کی وجہ سے مار دیا جائے گا۔

تازہ ترین