تعصب پر مبنی سوچ نے بھارتی انتہا پسندوں کی دماغی حالت بگاڑ دی، ایک ٹاک شو کے دوران آر ایس ایس رہنما نے تاج محل کو قدیم ہندومندر قرار دے دیا، جس پر شرکاء بے ساختہ قہقہے لگانے لگے۔
تعصب پر مبنی سوچ نے جہاں بھارتی انتہا پسندوں کو مسلمانوں کے خلاف ظلم و زیادتی پر مجبور کیا ہوا ہے وہیں اس سوچ نے ان کی دماغی حالت بھی بگاڑ دی ہے۔
اس کا عملی ثبوت گزشتہ دنوں ایک بھارتی ٹی وی شو کے دوران دیکھنے کو ملا جب انتہا پسند ہندو جماعت آر ایس ایس کے رہنما نے تاج محل کو قدیم ہندو مندر قرار دے دیا۔
صرف یہی نہیں بلکہ دیش رتن نے مزید بے پر کی ہانکتے ہوئے کہا کہ دہلی کا لال قلعہ اور جامع مسجد بھی مسلمانوں نے نہیں بنائے ہیں۔
دیش رتن کی اس بھونڈی دلیل پر نہ صرف شو کے میزبان سر پکڑ کر بیٹھ گئے بلکہ شرکاء بھی بے ساختہ قہقہے لگانے لگے۔