جاپان میں دہکتے کوئلوں پر چلنے کی قدیم رسم

جاپان میں شعلہ اگلتے کوئلوں پر چلنے کی خطرناک اور ہزاروں سال قدیم رسم نبھانے درجنوں افراد پہنچ گئے۔

سائنس و ٹیکنالوجی اور عمرانی علوم کی بے پناہ ترقی کے باوجود دنیا میں آج بھی ایسی رسومات پائی جاتی ہیں کہ جن کے متعلق سن کر ہی انسان پریشان ہو جائے۔

ایسی ہی ایک رسم جاپان کے گاؤں میں بھی ادا کی جاتی ہے جہاں لوگ دہکتے انگاروں پر پیدل چلتے ہیں۔

ٹوکیوکے قریب Takaosan Yakuoin ٹیمپل میں ہزاروں سال قدیم اس فیسٹیول کا انعقاد کیا گیا جس میں درجنوں افراد نے شرکت کی ۔

لاتعداد شعلہ اگلتے کوئلوں کو ایک چٹان کی صورت میں ایک جگہ جمع کرنے کے بعدان پر بلا خوف و خطر چل کر دیکھنے والوں کو حیران کر دیا۔

واضح رہے کہ ان لوگوں کے عقیدے کے مطابق ان دہکتے کوئلوں پر چلنا خوش قسمتی کی علامت ہے۔