سابق وزیراعظم نوازشریف سے جمعیت علماء اسلام (ف) کے سربراہ مولانا فضل الرحمٰن نے ملاقات کی اور موجودہ صورتحال پر بات چیت کی ہے۔
مسلم لیگ ن کے اعلامیے کے مطابق دونوں رہنمائوں کی ملاقات میں چیئرمین اور ڈپٹی چیئرمین سینیٹ کے انتخابات اور موجودہ سیاسی صورتحال پر تبادلہ خیال کیا گیا ۔
اعلامیے کے مطابق نوازشریف اور مولانا فضل الرحمٰن کی ملاقات خوشگوار ماحول میں ہوئی ،جس میں آئندہ کے سیاسی لائحہ عمل پر گفتگو ہوئی ہے۔
ن لیگ کا کہنا ہے کہ نوازشریف اور فضل الرحمٰن ایک دوسرے کے قابل اعتماد اتحادی ہیں، اس ملاقات سے متعلق کی جانے والی قیاس آرائیوں میں کوئی حقیقت نہیں ۔