ملحد

’’تم ایک نمبر کے ملحد ہو۔‘‘
ایک صاحب نے فیصلہ سنایا۔
’’آپ کو غلط فہمی ہوئی ہے۔‘‘
میں نے تردید کی۔
’’نہیں، تم ملحد ہو۔‘‘
انھوں نے اصرار کیا۔
’’آپ کے پاس کیا ثبوت ہے؟‘‘
میں نے دریافت کیا۔
’’تم نے ایک کہانی میں لکھا ہے کہ تم ملحد ہو۔
تم اس سے مکر نہیں سکتے۔‘‘
انھوں نے ثبوت پیش کیا۔
’’میں کہانی میں جو لکھوں گا،
آپ مان لیں گے؟‘‘
میں نے پوچھا۔
’’بالکل۔‘‘
انھوں نے کہا۔
میں نے اپنی کتاب میں چھپی ہوئی ایک کہانی انھیں پیش کی۔
اس میں لکھا تھا،
’’میں اس کائنات کا خدا ہوں۔‘‘
کہانی پر ایس ایم ایس اور واٹس ایپ رائے دیں 00923004647998