دبئی سے غیر ملکی پرواز کے زریعے پشاور زلمی ٹیم کے پاکستانی کھلاڑی لاہور پہنچ گئے،لاہور پہنچنے والے کھلاڑیوں میں کامران اکمل، وہاب ریاض، حسن علی، محمدحفیظ اور دیگر کھلاڑی شامل ہیں۔
پاکستان سپر لیگ پہلا کوالیفائنگ فائنل آج اسلام آباد یو نائیٹڈ اور کراچی کنگز کے درمیان دبئی میں کھیلا جائے گا، جو جیتا فائنل کے لیے کراچی کی اڑان بھرے گا، جو ہارا اسے لاہور میں ایک موقع اور ملے گا۔
پاکستان سپر لیگ کے دو ایلمینیٹرز میچز لاہور میں کھیلے جائیں گے جس کے لئے نشتر اسپورٹس کمپلیکس کے دروازے بند کرنے کا نوٹیفکیشن جاری کردیا گیا ہے۔
قذافی اسٹیڈیم آج سے 21 مارچ تک عام ٹریفک اور کمرشل سرگرمیوں کے لئے بند رہے گا۔