یورپی یونین کے وزرائے خارجہ نے برطانیہ میں سابق روسی ایجنٹ پر حملے کے معاملے پر لندن حکومت کے ساتھ غیر مشروط یکجہتی کا اظہار کیا ہے۔
برسلز میں یورپی یونین کے وزرائے خارجہ کے اجلاس کے دوران مشترکہ بیان ميں کہا گیا کہ یورپی یونین سرگئی اسکرپل اور ان کی بیٹی پر حملے کی شدید مذمت کرتی ہے۔
اس طرح کا غیر محتاط اور غیر قانونی اقدام دوسرے شہریوں کی جانوں کے لیے بھی خطرہ ہے۔ دوسری جانب ماسکو حکام نے کہا ہے کہ برطانیہ وہ ثبوت فراہم کرے، جس کی بنیاد پر اس نے اس حملےکی ذمہ داری روس پر عائد کی ہے۔