صدر پاکستان نے ایئر چیف مارشل مجاہد انور خان کو نشانِ امتیاز (ملٹری) عطا کیا

صدر مملکت ممنون حسین نے ایوانِ صدر میں منعقد ہونے والی پُر وقار تقریب میں پاک فضائیہ کے سربراہ ائیر چیف مارشل مجاہد انور خان کو نشانِ امتیاز ملٹری عطا کیا ۔

تقریب میں وزیر دفاع خرم دستگیر خان ،وزیر دفاعی پیداوار رانا تنویر حسین ،وزیرِ سیفران عبدالقادر بلوچ ، چیئرمین جوائنٹ چیفس آف ا سٹاف کمیٹی جنرل زبیر محمود حیات اور سربراہ پاک بحریہ ایڈمرل ظفر محمود عباسی کے علاوہ مسلح افواج کے دیگر اعلیٰ افسران نے شرکت کی۔

بعد ازاں صدر پاکستان نے پاک فضائیہ سربراہ سے ملاقات کے دوران انہیں نئی ذمہ داریاں سنبھالنے پر مبارکباد پیش کی اور ان کی کامیابی کے لیے نیک خواہشات کا اظہار کیا۔