عالمی مارکیٹ میں خام تیل کی قیمتوں میں تیزی کا رجحان جاری ہے ۔ تین روز میں خام تیل 3 ڈالر مہنگا ہوکر 65 ڈالر فی بیرل سے تجاوز کرگیا ۔
انرجی انفارمیشن ایڈمنسٹریشن کی رپورٹ میں خام تیل کی انوینٹری میں 26 لاکھ بیرل کمی کی رپورٹ سامنے آئی ہے ۔ ساتھ ہی مشرق وسطیٰ کی موجودہ صورت حال پر خام تیل کے سودوں میں تیزی کا رجحان دیکھا جارہا ہے ۔
عالمی مارکیٹ میں لندن سیشن کے دوران امریکی خام تیل 5 سینٹ اضافے سے 65 ڈالر 22 سینٹ فی بیرل پر پہنچ گیا۔
ماہرین کا کہنا ہے کہ گزشتہ 3 روز کے دوران خام تیل کے سودوں میں 3 ڈالر 10 سینٹ کا اضافہ ہوا جو پیٹرولیم مصنوعات کی قیمتوں میں بھی اضافے کی وجہ بنے گا۔