ایڈونچر کے شوقین نوجوانوں کیلئے شوق کا کوئی مول نہیں ہوتا اور اپنے اس شوق کی تکمیل کیلئے وہ ہر حد سے گزرجاتے ہیں چاہے اس دوران اُنکی جان ہی کیوں نہ چلی جائے۔
ویڈیو میں نظر آنے والے اِن جانبازوں کو ہی دیکھ لیں جو ایڈونچر کا شوق پورا کرنے کیلئے بیلجئیم کے سیکڑوں فٹ بلندالیکٹرک پول کے سرے پر پہنچ گئے ہیں۔
نیدرلینڈ سے تعلق رکھنے والے نوجوان اور اُسکے ایک دوست نے بیلجئیم میں نصب 300فٹ بلند الیکٹرک پول کو تیس منٹ میں سر کیا اور پول کے سرے پر چڑھ کر نہ صرف کرتب بازی کا شوق پورا کیا بلکہ بلندو بالا پُل سے آزادانہ چھلانگ لگاتے ہوئے بیس جمپنگ کا شاندار مظاہرہ کرتے ہوئے پیراشوٹ کی مدد سے با آسانی زمین پر لینڈ کر گئے اور اپنے اس کارنامے سے دیکھنے والوں کو حیران کر ڈالا۔