ویتنام میں ہزاروں بطخیں سڑک پر نکل آئیں

کبھی کبھی زندگی میں ایسے انوکھے اور دلچسپ واقعات رونما ہوجاتے ہیں جو ساری زندگی کے لئے یادگار بن جاتے ہیں۔

ایسا ہی ایک دلچسپ واقعہ ویتنام میں کیمرے کی آنکھ میں محفوظ کیا گیا جہاں سڑک عبور کرتی ہزاروں بطخیں سوشل میڈیا پر شائقین کی توجہ کا مرکز بن گئیں۔

ویتنام کی مصروف سڑک پر ٹریفک رواں تھی کہ اچانک بطخوں کا دریا سڑک پر بہہ نکلا جس کے بعد ٹریفک کی روانی متاثر نظر آئی۔

ایک کے بعد ایک سڑک عبور کرتی ہزاروں بطخوں نے جہاں تھوڑی دیر کے لئے ٹریفک کی روانی متاثر کی وہیں وہاں موجود شائقین یہ دلچسپ نظارہ دیکھ کر خوب محظوظ ہوتے نظر آئے۔