منچلوں کی بلند ٹاور پر بیس جمپنگ

ایڈونچر کے شوقین نوجوان اپنا شوق پورا کرنے کی خاطر ہر خطرے سے ٹکرا جاتے ہیں اور اپنی جان کی بھی پرواہ نہیں کرتے۔

اب ذرا ان منچلے نوجوانوں کو ہی دیکھ لیں، جنہوں نے یورپ میں موجود300فٹ بلند ریڈیو ٹاور سے بیس جمپنگ کا شاندار مظاہرہ پیش کرکے سب کو حیران کردیا ہے۔

جی ہاں اپنی جان کو خطرے میں ڈال کر ان کھلاڑیوں نے ونگ سوٹ پہن کر آزاد پرندوں کی طرح ٹاور سے چھلانگ لگا کر بیس جمپنگ کی اورکسی بھی نقصان کے بغیر زمین پر پیراشوٹ کھول کر کامیابی سے اترگئے۔

ان جانباز نوجوانوں نے سینکڑوں فٹ بلندی سے اڑان بھر کر ناصرف بادلوں کو چیرتے ہوئے زمین کی جانب اپنا سفر کامیابی سے مکمل کیا بلکہ بہادری کاایسا مظاہرہ پیش کیا کہ شائقین محظوظ ہوئے بنا نہ رہ پائے۔