مقبوضہ کشمیر،2زخمی نوجوان چل بسے، 19شہداء ہوگئے

مقبوضہ کشمیر میں بھارتی فوج کی فائرنگ میں زخمی ہونے والے دو کشمیری نوجوان اسپتال میں دم توڑ گئے، جس کے بعد شہید ہونے والوں کی تعداد 19 ہوگئی۔

مقبوضہ کشمیر میں حریت قیادت کی کال پر مسلسل تیسرے روز بھی مکمل ہڑتال ہے۔

قابض انتظامیہ نے سری نگر سمیت جنوبی علاقوں میں کرفیو نافذ کررکھا ہے۔

تعلیمی ادارے بند ہیں، جبکہ انٹرنیٹ اور ٹرین سروس معطل ہے۔

حریت رہنما سید علی گیلانی اور میر واعظ عمر فاروق اپنے گھروں میں نظر بند ہیں جبکہ یاسین ملک جیل میں قید ہیں۔

قابض بھارتی فوج نے دو روز قبل نہتے مظاہرین پر اندھا دھند گولیاں برسائی تھیں ، جس کے نتیجے میں 17 افراد شہید جبکہ 200 سے زائد زخمی ہوگئے تھے۔