سینیٹ میں ایمنسٹی اسکیم پر تبادلہ خیال کئے جانے کی خبروں پر پاکستان اسٹاک ایکسچینج میں کاروبار کا آج ملا جلا رجحان رہا ، 100 انڈیکس 57 پوائنٹس کمی سے 46580پر بند ہوا.
حصص بازار میں کاروبار کے آغاز سے کاروباری سرگرمیاں معمول سے کم رہیں، کاروبار کے دوران 20 کروڑ حصص کے سودے ہوئے، جن کی مالیت 8 ارب روپے سے زائد رہی۔
کاروبار کے اختتام پر ٹاپ لائن سیکیورٹیز کے جاری کردہ ریسرچ نوٹ کے مطابق 100 انڈیکس نے مسلسل 8 روز مثبت رہنے کے بعد کاروبار کا پہلا منفی اختتام کیا تاہم کاروبار کے اختتام پر مارکیٹ کیپٹلائزیشن 9507 ارب روپے ہوگئی۔