وزیراعظم کی جسٹس اعجازالاحسن کے گھر پر فائرنگ کی مذمت

وزیراعظم شاہد خاقان عباسی نے جسٹس اعجازالاحسن کے گھر پر فائرنگ کی مذمت کرتے ہوئے ہدایت کی ہے کہ ذمے داروں کو جلد سے جلد کٹہرے میں لایا جائے۔

وزیر مملکت برائے اطلاعات مریم اورنگزیب نے جسٹس اعجاز الاحسن کے گھر فائرنگ کی مذمت کرتے ہوئے کہا کہ وزیراعظم نے متعلقہ حکام کوملزمان کوجلد ازجلد قانون کی گرفت میں لانےکی ہدایت کی ہے۔

ان کا کہنا تھا کہ وزیراعلیٰ پنجاب نےصوبائی سطح پرملزمان کی گرفتاری کیلئےمتعلقہ حکام کو ہدایات دی ہیں، شرپسند عناصر کو جلد از جلد بےنقاب ہونا چاہیے۔