آپ آف لائن ہیں
پیر 13؍محرم الحرام 1440ھ 24؍ ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
سندھ اسمبلی کے باہر وکلا ءکا احتجاج،15 زیرحراست

کراچی میں پولیس نے سندھ اسمبلی کے باہر احتجاج کرنے والے 15 وکلاء کو حراست میں لے لیا۔

پولیس کی بھاری نفری سندھ اسمبلی کے باہر موجود ہے جس نے سندھ اسمبلی کے باہر احتجاج کرنے والے وکلا کے خلاف کاررائی کی اور صبح سویرے انہیں حراست میں لیا۔

ڈنڈا بردار پولیس اہلکار بڑی تعداد میں سندھ اسمبلی کے باہر تعینات ہیں۔

واضح رہے کہ گزشتہ رات بھی سندھ اسمبلی کے باہر احتجاج کرنے والے 47 سرکاری وکلاء کو پولیس نے گرفتار کرکے تھانے منتقل کیاتھا۔

ان تمام افراد کو مجسٹریٹ کے حکم پر 10 ہزار روپے کے مچلکوں پر رہا کردیا گیا تھا، رہا ہونے کے بعد مظاہرین نے دوبارہ سندھ اسمبلی کے باہر دھرنے کا اعلان کیا تھا۔

وکلاء کی گرفتاری کے بعد سندھ اسمبلی کا مرکزی دروازہ کھول دیا گیا اور پولیس کی بھاری نفری تعینات کردی گئی۔

سندھ اسمبلی کے مرکزی دروازے پر سرکاری وکلاء کئی روز سے الاؤنس نہ ملنے کے خلاف احتجاج کر رہے ہیں۔


Chatاپنی رائے سے آگاہ کریں