سلووینیا میں چاکلیٹ کھانے کا میلہ سج گیا

سلووینیا میں چاکلیٹ کھانے کے شوقین افراد کے لئے سالانہ میلے کا انعقاد کیا گیا جس میں ملک بھر سے ہزاروں افراد نے شرکت کی اور اس دلچسپ فیسٹیول سے خوب لطف اندوز ہوتے دکھائی دئیے۔

چاکلیٹ سے سجے اس میلے میں نا صرف بڑے بلکہ بچوں نے بھی بڑی تعداد میں یہاں کا رخ کیا اور چاکلیٹ سے بنی کئی اشیاء کو نا صرف کھاکر لطف اٹھایا بلکہ یہاں موجود 96کلو گرام چاکلیٹ پیس کو دیکھ کر ہر ایک کے منہ میں پانی بھر آیا۔

ہر سال منعقد کئے جانے والے اس فیسٹیول میں جہاں چاکلیٹس سے تیار کی گئیں کئی اشیاء خواتین کی توجہ کا مرکز بنی رہیں وہیں مختلف کیکس، ڈیزرٹ، ٖٹافیاں اور چاکلیٹ سے تیار کئے گئے کئی مجسموں نے بھی شائقین کی توجہ اپنی جانب مبذول کروالی۔