آپ آف لائن ہیں
جنگ ای پیپر
بدھ 22؍ شوال المکرم 1440ھ 26؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
سعودی عرب ، 5ریال میں پریشر ککر کا اشتہار دیکھ کر عوام بے قابو

سعودی عر ب کے شہر الباحہ میں 5 ریال میں پریشر ککر کا اشتہار دیکھ کر عوام کا سمندر امڈ آیا ۔ نئی کھلنے والی دکان پر لوگوں کے بےتحاشہ ہجوم کے سبب پولیس کو حرکت میں آنا پڑا۔

تفصیلات کے مطابق الباحہ ریجن میں برتنوں کی نئی کھلنے والی دکان کا اشتہار اسنیپ چیٹ پر دیکھ کر لوگوں کی بڑی تعداد افتتاح والے دن دکان پر پہنچی جس کے سبب سڑک پر ٹریفک کی روانی شدید متاثرہوئی اور شاہراہ بلاک ہو گئی ۔

ٹریفک اژدھام کی اطلاع ملنے پر محکمہ ٹریفک کی مدد طلب کرنا پڑی ۔ ٹریفک پولیس کے اہلکاروں نے کئی گھنٹے کی کوشش کے بعد شاہراہ کو کھلوایا اور لوگوں کو منتشر کیا۔ شہری دفاع کو کسی بھی ہنگامی حالت سے نمٹنے کےلئے طلب کیا گیا جس نے لوگوں کو ہٹانے کےلئے اہم کردار ادا کیا ۔

دکان کے باہر بھگدڑ سے 3 خواتین بے ہوش ہو گئیں جنہیں ہلال الاحمر کے اہلکاروں نے موقع پر طبی امداد فراہم کی ۔ برتنوں کی نئی دکان کے مالکان نے افتتاح کے حوالے سے اسنیپ چیٹ پر اشتہار جاری کیا تھا جس میں کہا گیا تھا کہ ـ’ افتتاح کے موقع پر پریشر ککر صرف 5 ریال میں حاصل کریں ‘

اشتہار دیکھ کر الباحہ شہرہی سے نہیں بلکہ قرب و جوار سے بھی بڑی تعداد میں لوگ وہاں پہنچ گئے جس کی وجہ سے شاہراہ عام مکمل طور ر بند ہو گئی ۔

شہریوں کا کہنا تھا کہ دکان مالکان کو اشتہار دیتے ہوئے اس بات کا بندوبست کرنا چاہئے کہ رش ہونے کی صورت میں کس طرح کنٹرول کیا جاسکتا ہے ۔

دکاندار نے اشتہار تو جاری کر دیا مگر کسی قسم کی کوئی احتیاطی تدابیر اختیار نہ کی جس کی وجہ سے ہنگامی صورتحال کا سامنا کرنا پڑا ۔

Chatاپنی رائے سے آگاہ کریں