دیرپا امن تنازعات کی وجوہات جاننے سے ملے گا، ملیحہ لودھی

اقوام متحدہ میں پاکستان کی مستقل مندوب ملیحہ لودھی کہتی ہیں کہ دیرپاامن کاراستہ تنازعات کی بنیادی وجوہات جاننے سے ملے گا۔

انہوں نے مزید کہا کہ اس سلسلے میں تمام شراکت داروں کو شامل کیاجاناچاہیے،پائیدار امن تنازع کی نوعیت اور بنیادی وجوہات جاننے سے شروع ہوتا ہے۔

اقوام متحدہ میں پاکستان کی مستقل مندوب کا مزید کہنا ہے کہ دیرپا امن اس وقت تک حاصل نہیں ہوسکتا جب تک مسائل کو مکمل طور پرسمجھا نہ جائے۔

ملیحہ لودھی کا یہ بھی کہنا ہے کہ جن مسائل کو ختم کرنے کی ضرورت ہے ان میں غربت، غیرملکی قبضہ، بیرونی مداخلت، سیاسی اور معاشی ناانصافی، لسانی، قبائلی، مذہبی تناؤ اور ماحولیاتی آلودگی شامل ہے۔