انضمام الحق کو برطرف نہیں کرسکتا، نجم سیٹھی

پاکستان کرکٹ بورڈ کے سربراہ نجم سیٹھی نے کہا ہے کہ سابق کھلاڑیوں کے کہنے پر انضمام الحق کو برطرف نہیں کرسکتا ۔

میڈیا سےگفتگو میں پی سی بی چیئرمین نے کہا کہ باہر بیٹھ کر تنقید کرنے والے خود بھی سلیکٹر رہ چکے ہیں، موسم کی وجہ سے انگلینڈ میں ٹیم کو مشکل ہوسکتی ہے ۔

انہوں نے کہا کہ پاکستان ٹیم ٹی 20 میں نمبر ون ٹیم ہے ،گزشتہ سال پاکستان ون ڈے اور ٹیسٹ میں بھی نمبر ون رہا ہے، ڈومیسٹک کرکٹ کا اسٹرکچر تبدیل کرنے پر غور کررہے ہیں ۔

نجم سیٹھی نے مزید کہا کہ ڈومیسٹک کرکٹ کے حوالے سے میٹنگز ہوئیں ،اس کے نظام میں تبدیلی زیر غور ہے ۔

انہوں نے یہ بھی کہا کہ ریجنز کھلاڑی بناتے ہیں اور بینک پیسے دے کر انہیں لے جاتے ہیں،فرسٹ کلاس کرکٹرز پر پیسہ لگائیں گے ۔