بھارت ’ڈے اینڈ نائٹ ٹیسٹ‘ سے بھاگ گیا

ڈے اینڈ نائٹ ٹیسٹ کے حوالے سے بھی بھارت کی ہٹ دھرمی برقرار ہے، بھارت نے آسٹریلیا کے خلاف ایڈیلیڈ میں ڈے اینڈ ٹیسٹ میچ کھیلنے سے منع کر دیا ہے ۔

بھارت نے آسٹریلیا میں دسمبر جنوری میں چار ٹیسٹ میچز کی سیریز کھیلنا ہے ۔ کرکٹ آسٹریلیا نے 6 دسمبر سے سیریز کا پہلا ٹیسٹ میچ ایڈیلیڈ میں ڈے اینڈ نائٹ رکھا لیکن کرکٹ آسٹریلیا نے اعلان کیا ہے کہ بھارت نے مطلع کر دیا ہے کہ وہ اس وقت ڈے اینڈ نائٹ ٹیسٹ میچ کھیلنے کے لیئے تیار نہیں ہیں اس لیئے اب ایڈیلیڈ ٹیسٹ میچ دن میں کھیلا جائے گا ۔

کرکٹ آسٹریلیا کا کہنا ہے کہ جنوری میں سری لنکا کے خلاف برسبین ٹیسٹ میچ ڈے اینڈ نائٹ ہو گا ۔