ڈبلن ٹیسٹ،آئیرلینڈ کی ٹاس جیت کر پاکستان کو بیٹنگ کی دعوت

12 مئی ، 2018

ڈبلن ٹیسٹ میں آئیرلینڈ نے ٹاس جیت کر پہلے پاکستان کو بیٹنگ کی دعوت دی ہے ،پاکستان اور آئرلینڈ کے درمیان ڈبلن کے تاریخی ٹیسٹ کا پہلا دن بارش کی نذر ہوچکا ہے۔

پہلا دن ضائع ہو نے کے بعد میچ کے چاروں دن اب90اوورز کے بجائے 98 اوورز کرائے جائیں گے۔ٹیسٹ کرکٹ کا اسٹیٹس ملنے کے بعد آئرلینڈ کی ٹیم پہلی مرتبہ کسی بھی ٹیم کے خلاف ٹیسٹ کھیل رہی ہے۔

پاکستان کی جانب سے بلے باز امام الحق اور آل راؤنڈر فہیم اشرف کو ٹیسٹ کیپ دی گئی ہے،پاکستان کرکٹ بورڈ کے چیئر مین نجم سیٹھی نے نئے کھلاڑیوں کو ٹیسٹ کیپ دی۔

کپتان سرفراز احمد کا کہنا ہے کہ قومی ٹیم آئرلینڈ کو شکست دینے کے لیے پرعزم ہے تاہم آئرلینڈکی ٹیم کو آسان نہیں لیں گے اور تمام نوجوان کھلاڑی اپنی صلاحیتوں کے جوہر دکھائیں گے۔

آیئر لینڈ کے کپتان پورٹر فیلڈ کا کہنا ہے کہ ہماری ٹیم میں پاکستان کو شکست دینے کی پو ری صلاحیت موجود ہے۔

آئرلینڈ کے خلاف قومی اسکواڈ جن کھلاڑیوں پر مشتمل ہے ان میں

آئرلینڈ کے خلاف قومی اسکواڈ جن کھلاڑیوں پر مشتمل ہے ان میں کپتان سرفراز احمد، اسد شفیق، اظہر علی، بابراعظم، فہیم اشرف، حارث سہیل، امام الحق، محمد عباس، محمد عامر، راحت علی اور شاداب خان شامل ہیں۔

تازہ ترین