پنجاب حکومت چار ماہ کا بجٹ پیش کرے گی، جس کا کل حجم 200ارب روپے سے زائد ہوگا۔ وزیر خزانہ پنجاب ڈاکٹر عائشہ غوث آج 12 بجے پنجاب اسمبلی میں بجٹ تقریر کریں گی۔
ذرائع کے مطابق 2018-19 کے پنجاب کے ضمنی بجٹ کے لیے 70ارب روپے سے زائد رقم رکھی گئی ہے۔ ضمنی بجٹ میں130ارب روپے جاری اسکیموں سے لیے جائیں گے۔
ذرائع کا کہنا ہے کہ ضمنی بجٹ کا بڑا حصہ انفراسٹرکچر کے منصوبوں پر خرچ ہوگا۔ پنجاب حکومت پورے مالی سال کا بجٹ پیش نہیں کرے گی۔
بجٹ اجلاس سے پہلے وزیر اعلیٰ پنجا ب کی صدارت میں کابینہ بجٹ کی منظوری دے گی جس کے بعد اسے پنجاب اسمبلی میں پیش کیا جائے گا۔ یہ پنجاب حکومت کا آخری بجٹ ہوگا۔