آپ آف لائن ہیں
پیر 5؍رمضان المبارک 1439ھ 21؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
امریکا میں چاند کی رویت پر مسلم کمیونٹی پھر تقسیم

امریکا میں ماہ رمضان کا چاند ایک مرتبہ پھر اس وقت متنازع بن گیا ہے جب اہلسنت والجاعت اور شیعہ کمیونٹی نے کیلی فورنیا کمیٹی کا فیصلہ نہ مانتے ہوئے امریکا بھر میں جمعرات کو پہلے روزے کا اعلان کیا ۔

سعودی عرب کے ساتھ رمضان منانے والی کئی مساجد اور اہلسنت والجماعت سمیت شیعہ مسلک نے بھی رات آٹھ بجے تک ملک کے کسی بھی حصے سے چاند نظر نہ آنے کے بعد جمعرات کو پہلے روزے کا اعلان کر دیا ۔

x
Advertisement

اس سلسلے میں محکمہ موسمیات اور خلائی تحقیقی ادارے ناسا کا بھی کئی لوگ حوالہ دے رہے ہیں اور کہا جارہا ہے کہ آج بادلوں کی موجودگی کے باعث چاند نظر نہیں آیا،تاہم کیلی فورنیا سے کچھ شہادتیں موصول ہوئیں جن کی بنیاد پر امریکا بھر کی کئی مسلمان تنظیموں نے بدھ کو پہلے روزے کا اعلان کردیا ہے۔

مقامی کمیونٹی نے مسلمان تنظیموں پر بھی کڑی تنقید کی ہے اور کہاہے کہ انہیں ان شہادتوں کے بارے میں بر وقت مطلع نہیں کیا گیا۔ ریاست ٹیکساس میں غیر واضح صورت حال کے باعث کئی مسلمان بدھ کو ہی روزہ رکھ رہے ہیں تاہم اہلسنت اور شیعہ کمیونٹی کے بعض علماء اکرام نے اسلامک ایسوسی ایشن کے فیصلے کو ردکرتے ہوئے جمعرات کو روزے کا اعلان کیا ہے۔

امریکا میں اس طرح ایک مرتبہ پھر اس سال بھی ریاست ٹیکساس اور امریکہ کے دیگر حصوں میں علیحدہ علیحدہ وقت پر رمضان شروع ہوگا۔ ہر سال رمضان اور عید کے موقع پر اس معاملےپر ایک تنازع اٹھ کھڑا ہوتا ہے اور طویل بحث اور مباحثوں کے بعد اس کا کوئی مستقل حل نہیں نکالا جا سکا ہے۔

اس صورت حال کے پیش نظر بعض علمائے اکرام نے مشورہ دیا ہے کہ آپ اس سلسلے میں اپنی لوکل مساجد کو فالو کریں ۔

​​
Chatاپنی رائے سے آگاہ کریں