چین میں رنگا رنگ گریجویٹ فیشن ویک 2018کی رونقیں جاری

چین میں رنگا رنگ گریجویٹ فیشن ویک2018 کی رونقیں جاری ہیں جس میں ملک بھرکے آرٹس کالجز اور جامعات میں زیر تعلیم طلباء کے ڈیزائن کیے گئے ملبوسات پیش کیے جارہے ہیں۔

چین کے دار الحکومت بیجنگ میں شروع ہونے والے اس فیشن ویک میں ماڈلز دیدہ زیب ڈیزائنز زیب تن کرکے ریمپ پر جلوے بکھیررہی ہیں جبکہ اس دوران مردوں کے ملبوسات کی نمائش بھی کی جارہی ہے۔

ان طلباء کی حوصلہ افزائی کیلئے شرکاء کی بڑی تعداد بھی یہاں کا رخ کررہی ہے جو ان اْبھرتے ہوئے ڈیزائنرز کا کام دیکھ کر حیران رہ گئے ہیں۔13مئی سے شروع ہونیو الا یہ فیشن ویک 4روز تک رونقیں بکھیرنے کے بعدآج 16مئی کو اختتام پذیر ہوگا۔