ٹرانس فیٹس سے ہر سال 5 لاکھ اموات

عالمی ادارہ صحت کا کہنا ہے کہ ٹرانس فیٹس یا ایڈایبل آئل کے استعمال سے سالانہ پانچ لاکھ افراد موت کا شکار ہوجاتے ہیں۔

عالمی ادارہ صحت نے اس بات پر بھی زور دیا ہے کہ ٹرانس فیٹس کا استعمال 2023 ءتک دنیا سے ختم کرنا ہوگا۔

عالمی ادارہ صحت کے مطابق اسنیکس، فرائیڈ فوڈز اور بیک آئٹمز میں استعمال ہونے والے مارجرین، گھی اور ویجیٹیبل فیٹس میں صنعتی لحاظ سے تیار کیے جانے والے ٹرانس فیٹس شامل ہوتے ہیں جو انسانی صحت کے لیے انتہائی مضر ہیں۔

عالمی ادارہ صحت نے دنیا بھر کے ممالک سے مطالبہ کیا ہے کہ کھانوں میں ٹرانس فیٹس کے استعمال کو آئندہ 5سالوں میں ختم کیا جائے۔

واضح رہے کہ ٹرانس فیٹ حیوانی یا نباتاتی ذرائع سے حاصل ہونے والی وہ مہلک چکنائی ہے جو انسانی صحت کے لیے سخت مضر ہے اور کولیسٹرول، ہائی بلڈ پریشرر اور دیگر امراض قلب کا سبب ہے۔