ناصر جمشید کا پی سی بی اینٹی کرپشن ٹریبونل کو چیلنج کرنیکا فیصلہ

17 مئی ، 2018

کرکٹر ناصر جمشید نے پی سی بی انٹی کرپشن ٹریبونل کی سماعت کے دائرہ اختیار کو چیلنج کرنے کا فیصلہ کیا ہے۔ پی سی بی اینٹی کرپشن ٹریبونل کی سماعت کل لاہور میں ہو گی۔

ناصر جمشید کیس میں پی سی بی الزامات کے ساتھ اپنا جواب جمع کرا چکے ہیں جبکہ کل کی سماعت میں ناصر جمشید کے وکیل ٹریبونل کی سماعت کے دائرہ اختیار کو چیلنج کریں گے۔

ذرائع کا کہنا ہے کہ ناصر جمشید کا موقف ہے کہ ایک جیسے ثبوت اور شواہد پر دوبارہ جلد بازی میں کیس چلایا جا رہا ہے جس کا اختیار ٹریبونل کے پاس نہیں ہے۔

ناصر جمشید اسی کیس میں ایک برس کی پابندی کا سامنا کر چکے ہیں جبکہ پی سی بی نے ناصر جمشید پر اینٹی کرپشن کوڈ کی 5 خلاف وزریوں کا الزام لگایا ہے۔

تازہ ترین