جرمنی میں ماؤنٹین بائیک ورلڈ کپ 2018کا آغاز، ماہر رائیڈرز کی شرکت۔۔

ہموار اور صا ف ستھر ی روڈ پرسائیکل چلانا تو سب کو آتا ہے لیکن ایسے اونچے نیچے ، پتھر یلے اوردشوار گزار راستوں پر سفر کر نا ہر ایک کے بس کی بات کہاں۔

جرمنی کے شہر Albstadtمیں ماؤنٹین بائیکنگ کے مقابلے ڈاؤن ہِلMTBورلڈ کپ2018 کا آغاز ہوگیا ہے جس میں کئی ممالک سے ماہر سائیکل سوار شریک ہیں۔

اس مقابلے میں شرکت کرنے والے رائیڈرز دشوار گزا ر اور ناہموار راستوں پر ٹریل بائیکس ریس میں اپنی مہارت کا مظاہرہ کررہے ہیں۔

ہمت کے پکے اور مہارت میں سب سے آگے یہ رائیڈرزسینکڑو ں فٹ اونچے ان دشوار گزار راستوں اور مصنوعی ریمپ پر پور ی رفتار سے سائیکل دوڑارہے ہیں ۔

دو روزہ یہ مقابلہ 20مئی کو اختتام پذیر ہوگا جس کے بعد مختلف کیٹیگریز میں جیتنے والے رائیڈرز کا اعلان کیا جائے گا۔