امریکا میں پاکستانی سفارتخانے کے ڈپٹی ہیڈ آف مشن رضوان شیخ نے امید ظاہر کی ہے کہ امریکاسفارت کاروں پر پابندی کے اقدامات پر نظر ثانی کرے گا۔
انہوں نے مزید کہاکہ امریکا نے سفارت کاروں کی تلاشی سے متعلق شکایات کی تھیں، پاکستان نے شکایات کے ازالے کے لیےایک ماہ پہلے نظام پیش کیا جس کے بعد امریکا کی طرف سے کوئی شکایت نہیں ملی۔
رضوان شیخ نے یہ بھی کہا کہ پاکستان کی سیکیورٹی کی صورت حال کی وجہ سے غیر معمولی اقدامات اٹھانے پڑے، سفارت کاروں کی سلامتی حکومت پاکستان کی ترجیحات میں شامل ہے۔